Vawiin khan Champhai Bethel Venga mi, Pu PC.Lalchuangkima S/o PC Thanhluma (L), Champhai District a AVBD Asst.Secretary chuan a vawi 100 na atan Champhai district Hospital Blood Bank ah a mamawh apiangin an hman atan thisen a pe.
Mizorama thisen pe tam ber record siam mektu, Tv.C.Lalremruata, Aizawl Electric Veng, vawi 98 thisen pe tawh chu lehpelin, Pu PC Lalchuangkima hian record thar a siam ta a ni.
Champhai District Association for Voluntary Blood Donation chuan vawiinah Inkhawm tawite siamin, Pu PC Lalchuangkima chawimawina leh lawmpuina thuziak cheimawi an hlan a ni.
